काठमाडौं । नेपालमा कोरोना संक्रमितको संख्या बढ्न थालेको छ । पछिल्लो २४ घण्टामा ३ हजार ८ सय ९९ जनामा कोरोना भाइरस संक्रमण पुष्टि भएको छ ।

१२ हजार ६ सय ५५ पीसीआर परीक्षण गर्दा २ हजार ७ सय २६ जना र ४ हजार ८ सय ६३ एन्टिजेन परीक्षण गर्दा एक हजार एक सय ७३ गरी ३ हजार ८ सय ९९ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।

यस्तै पछिल्लो २४ घण्टामा एक हजार ७ सय ७८ जना निको भएका छन् भने कोरोना संक्रमणबाट २० जनाको मृत्यु भएको छ । मंगलबार थपिएकासँगै नेपालमा कोरोना संक्रमितको संख्या ६ लाख ८५ हजार ५ सय ७३ पुगेको छ । तीमध्ये ९ हजार ७ सय ५८ जनाको मृत्यु भएको छ भने ६ लाख ४७ हजार ७९ जना संक्रमणमुक्त भएका छन् ।