झापा ।  मोरङको रंगेली-९ सखुवाथान घर भई झापाको गौरादह-१ सितल चौक बस्दै आएका ३९ बर्षीय सजिलाल रिख्यासनलाई श्रीमतीको हत्या गरेको अभियोगमा प्रहरीले पक्राउ गरेको छ । रिख्यासनले गत असार ३१ गते ३४ बर्षीया संगिता टुडुलाई खेत नजिक रहेको टहरामा लगि कुटपिट गरी हत्या गरेर उनि फरार भएका थिए ।

घटनाको जानकारी पाउनसाथ अनुसन्धान तथा खोजतलसामा खटिएको प्रहरी टोलीले फरार रहेका सजिलाल रिख्यासनलाई आज पक्राउ गरी सार्बजनिक गरेको हो । पक्राउ परेका रिख्यासन उपर कर्तब्य ज्यान मुद्धामा कानुनी कारवाही तथा घटना सम्बन्धमा थप अनुसन्धान भईरहेको जिल्ला प्रहरी कार्यालय झापाले जनाएको छ ।