काठमाडौं। निषेधाज्ञालाई खुकुलो बनाएसँगै कोरोना संक्रमण मुक्त हुने भन्दा संक्रमित हुनेको संख्या बढ्दै गएको छ । पछिल्लो २४ घण्टामा थप १ हजार ८ सय ७५ जनामा कोरोना भाइरस संक्रमण पुष्टि भएको छ ।

५ हजार ३ सय ७४ जनाको पीसीआर परीक्षण गर्दा १ हजार २ सय १८ र ५ हजार १ सय ३० जनाको एन्टिजेन परीक्षण गर्दा ६ सय ५७ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा १ हजार २ सय ८६ जना संक्रमण मुक्त भएका छन् ।