एजेन्सी । पेरुलाई पाखा लगाउँदै ब्राजिल कोपा अमेरिका कप फुटबलको फाईनलमा प्रवेश गरेका छ । आज बिहान सम्पन्न सेमिफाईनलको पहिलो खेलमा पेरुलाई एक शुन्य गोल अन्तरले पराजित गर्दै ब्राजिल फाईनल प्रवेश गरेको हो ।

ब्राजिलको जितमा खेलको ३५ औं मिनेटमा लुकास पाक्केटाले गोल गरे । उनले नेयमारले दिएको पासमा गोल गरेका थिए । कोपा अमेरिका कप फुटबलको यो प्रतियोगितामा ब्राजिल अपराजित टोली हो । क्वार्टर फाइनलमा ब्राजिलले चिलीलाई र पेरुले पाराग्वेलाई हराउँदै सेमिफाइनलमा पुगेका थिए ।

ब्राजिलले अघिल्लो संस्करणमा पेरुलाई ३–१ ले हराएर उपाधि जितेको थियो । ब्राजिलले अब उपाधिका लागि अर्जेन्टिना र कोलम्बियाबीचको विजेतासंग प्रतिस्पर्धा गर्नेछ । दोस्रो सेमिफाईनलको खेल बुधबार बिहान हुनेछ ।