दमक। दमकमा रहेर साहित्यिक क्षेत्रमा काम गर्ने साहित्यिक संस्था साहित्य कला सङ्गमले एक बृहत कार्यक्रमका बिच पुरस्कार वितरण कार्यक्रम सम्पन्न गरेकाे छ।

दमककाे गाेर्खा डिपाटमेन्टकाे हलमा भएकाे कार्यक्रममा आसामका  साहित्यकार डम्बर दहाल, झापाका प्रा.डा. देवी नेपाल, सङ्खुवासभाका तारा बहादुर बुढाथाेकीलाई भवानी मिश्र पुरस्कारबाट, दमककी कमला खनाललाई साहित्य कला श्री पुरस्कारबाट र माेरङकी रेखा सुवेदीलाई तुलसादेवी न्याैपाने स्मृती पुरस्कारबाट पुरस्कृत गरिएकाे थियाे।

कार्यक्रमका प्रमुख अतिथि प्रा. डा. टंक न्याैपानेले प्रमाण पत्र सहित दाेसल्ला ओडाएर नगद ३५००० का दरले पुरस्कार बितरण गरेकाे सङ्गमका काेषाध्यक्ष ओम खनालले जानकारी दिए ।

कार्यक्रममा साहित्यकारहरु जय आचार्य, टीका आत्रेय, गीताश्री शर्मा, लगायतले रचना वाचन गरेका थिए ।

साहित्य कला सङ्गमका पुर्व अध्यक्ष नरपति पाण्डे, साहित्यकार चन्द्र भण्डारी, आसाम नेपाली  साहित्य समाजका सचिव मदन थापा,उर्लाबारी साहित्य समाजका अध्यक्ष यज्ञ परिश्रमी लगायतले शुभकामना ब्यक्त गरेका थिए।

कार्यक्रम सङ्गमका अध्यक्ष बिष्णु न्याैपानेकाे अध्यक्षतामा भएकाे थियाे भने सञ्चालन सङ्गमका महासचिव दीपक सुवेदीले गरेका थिए ।