दुबई। यहाँ जारी ट्वान्टी-ट्वान्टी विश्वकप क्रिकेटमा बंगलादेश विरुद्ध इङ्गल्याण्ड ८ विकेटले विजयी भएको छ। बंगलादेशले प्रस्तुत गरेको एक सय २५ रनको लक्ष्य इङ्गल्याण्डले खेल सकिन ३५ बल अगावै पुरा गर्यो।

इङ्ल्यान्डको जितमा ओपनर जसोन रोयले ६१  तथा जोस बटलरले १८ रनको योगदान दिए भने डाविड मलानले २८ तथा जोनी बैरस्टोले ८ रनको अविजित यात्रा तय गरे।

यसअघि आबुदाविमा टस जितेर ब्याटिङ गरेको बंगलादेशले ९ विकेटको क्षतिमा एक सय २४ रन बनाएको थियो। उसका मुसफिकर रहिमले २९ र कप्तान महमुदुल्लाहले १९ रन जोड्न बाहेक अन्यले उल्लेख्य प्रदर्शन गर्न सकेनन्।

जितसँगै इङ्ल्यान्डले लगातार दुई जित निकाल्दै ४ अंक बटुलेको छ। उ समुहको शिर्ष स्थानमा छ। भोलि अष्ट्रेलिया र श्रीलंका आमनेसामने हुनेछन्।