दमक। झापाको दमकमा सम्पन्न प्रदेश स्तरीय खुल्ला रेटिङ बुद्धिचाल प्रतियोगिताको उपाधि झापा दमकका राजन सुबेदीले जितेका छन्।

सातौं तथा अन्तिम राउण्डमा उपाधिका लागि बराबरी मात्र भएपनि पर्याप्त हुने स्थितिमा उनले उपाधि दाबेदार फिडे मास्टर रुपेश जैसवाललाई माथ दिएसँगै उपाधि जितेका हुन् ।

जितसँगै उनले नगद २१ हजार प्राप्त गरेका छन् । सुबेदीले अघिल्लो दिन एकल अग्रता लिएका क्यान्डिडेट मास्टर कृष्ण थापालाई पराजित गर्दै प्रतियोगितामा एकल अग्रता लिएका थिए।

पछिल्लो समयमा सुबेदीले उत्कृष्ट प्रदर्शन गर्दै आएका छन्। प्रतियोगिताको आयोजना दमक नगर खेलकुद विकास समिति र दमक नगर चेस समितिले संयुक्त रुपमा गरेका हुन्। प्रतियोगितामा देशभरका ५० खेलाडीको सहभागिता रहेको थियो।