काठमाडौं । विभागीय टोली एपिएफ र न्यू डायमन्ड स्पोर्ट्स क्लबले राजधानीमा जारी छैठौं संस्करणको एनभिए क्लब भलिबल च्याम्पियनसिप अन्तर्गत महिलातर्फको खेलमा जित हासिल गर्दै प्रतियोगितामा विजयी शुरुवात गरेका छन् ।

त्रिपुरेश्वर स्थित दशरथ रंगशालामा भएको खेलमा एपिएफले भारतीय खेलाडी सम्मिलित ढोरपाटन क्लब माथि २५–११, २५–७ र २५–६ को सोझो सेटमा जित निकालेको हो।

त्यस्तै न्यू डायमन्डसामु निकै कमजोर देखिएको एभरेष्ट भलिबल ट्रेनिङ क्लबलाई न्यू डायमण्डले २५–६, २५–५ र २५–१३ ले पाखा लगाएको थियो ।

प्रतियोगितामा बुधबार महिलातर्फ ढोरपाटन स्पोर्ट्स क्लब र नेपाल पुलिस तथा दोस्रो खेल एभरेष्ट भलिबल ट्रेनिङ क्लब र त्रिभुवन आर्मी क्लबबीच खेल हुनेछ ।