इलाम। पेल्टिमारी प्रवासी मञ्च चुलाचुलीले यस वर्षको उत्कृष्ट विद्यार्थीको पुरस्कार चुलाचुली- ३ इलामका सुरोज खतिवडालाई प्रदान गर्ने भएको छ।

बाल दिवसको अवसर पारेर भोलि पुरस्कार प्रदान गरिने संस्थाका सचिव धर्म संदेशले जानकारी दिनुभयो। प्रत्येक वर्ष एसइइमा सो विद्यालयबाट सबैभन्दा उत्कृष्ट अंक प्राप्त गर्ने एक जना विद्यार्थीलाई संस्थाले नगदसहित सम्मान गर्दै आएको छ।

खतिवडालाई नगद १० हजारसहित सम्मान गरिने छ। उनले गत वर्ष चुलाचुली-४ स्थित बाल ज्योति माविबाट एसइइ उत्तिर्ण गरेका थिए।

सम्मान कार्यक्रम बाल ज्योति माविमा बिहान ११ बजेदेखि शुरु हुने सचिव संदेशले जानकारी दिनुभयो।