काठमाडौं । पछिल्लो २४ घन्टामा नेपालमा थप ४ हजार ९ सय ४ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घन्टामा १९ हजार १ सय २३ नमूना परीक्षण गर्दा ४ हजार ९ सय ४ जनामा संक्रमण पुष्टि भएको हो।

त्यस्तै ५ हजार ९ सय ६ नमूनाको एन्टिजेन परीक्षण गर्दा १ हजार ७ सय १० जना र १३ हजार २ सय १७ नमूनाको पीसीआर परीक्षण गर्दा ३ हजार १ सय ९४ जनामा संक्रमण पुष्टि भएको मन्त्रालयले जनाएको छ।

यस्तै पछिल्लो २४ घन्टामा कोरोना संक्रमणको कारण थप ३५ जनाको मृत्यु भएको मन्त्रालयले जनाएको छ। योसँगै कोरोनाबाट मृत्यु हुनेको संख्या १० हजार १ सय ५० पुगेको छ। पछिल्लो २४ घन्टामा २ हजार १ सय १५ जनाले कोरोना जितेका छन्।