काठमाडौं ।   नेपालमा कोरोना संक्रमितको संख्या फेरी बढ्न थालेको छ । पछिल्लो २४ घण्टामा ३ हजार ३ सय ६५ जनामा कोरोना भाइरस संक्रमण पुष्टि भएसँगै कोरोना संक्रमितको संख्या बढेको हो ।

मन्त्रालयका अनुसार पछिल्लो २४ घण्टामा गरिएको ९ हजार ५ सय ५५ पीसीआर परीक्षणबाट २ हजार ३ सय ३५ संक्रमित र ४ हजार ६ सय ८७ एन्टिजेन परीक्षणबाट एक हजार ३० मा संक्रमण पुष्टि भएको हो ।

त्यसैगरी १ हजार ३ सय ७३ ले कोरोना भाइरसलाई जित्न सफल भएका छन् । यो सँगै नेपालमा कोरोना संक्रमणमुक्त हुनेको संख्या ६ लाख ५० हजार ४ सय ४५ पुगेको छ ।

मन्त्रालयका अनुसार पछिल्लो २४ घण्टमा १४ संक्रमितले ज्यान गुमाएका छन् । हालसम्म नेपालमा ९ हजार ८ सय ७ ले संक्रमणका कारण ज्यान गुमाईसकेका छन् ।