काठमाडौं। तीनकुने घटनामा जिउँदै जलाइएका एभिन्यूजकर्मी पत्रकार सुरेश रजकको मृत्यु शंकापस्द भएकाले निष्पक्ष छानबिन हुनुपर्छ भन्ने चौतर्फी माग बढी रहेको छ ।    राजावादीले यही चैत १५ गते राजधानीको तीनकुनेमा आयोजना गरेको कार्यक्रम प्रत्यक्ष प्रसारण गर्न तीनकुने पुगेका सुरेशसँग मास्टर कन्ट्रोल रुममा दिउसो २ बजेर ३१ मिनेटसम्म भाइवरमा सम्पर्क भएको थियो । आगलागी भएको घरको चौथो तलामा पुगेका सुरेशले २ बजेर १९ मिनटमा म्यासेज गरेका थिए । ‘माथि पुलिस छ, उनीहरूलाई हान्न जान लागेको छ,’ उनको म्यासेजमा लेखिएको थियो ।

एमसीआरबाट सम्पर्क गर्न प्रयास गरेका थियौँ, तर सम्पर्क हुन सकेन । २ बजेर २४ मिनेटमा सुरेशले फेरि म्यासेज गरेर भने, ‘कल गर्नु त नेटवर्कले काम गरिराखेको छैन। फोन उठाएको हो ‘बट’ भनेर सुरेशको म्यासेज आएपछि एमसीआरबाट म्यासेज जान्छ, ‘ओके’ कल हामी गर्छौँ, तिमी नगर । उताबाट जवाफ आउँछ, नेटवर्कले गर्दा उठ्दैन के गर्ने? ओके त्यसपछि एमसीआरले २ बजेर ३१ मिनेटमा म्यासेज गर्छ, तिमी बसेको घरमा आगो लाग्यो । भाग त्यताबाट । यसपछि सुरेशसँग एमसीआरको सम्पर्क टुट्छ । यो म्यासेजबाट सुरेश सङ्कटमा छ, भन्ने लागेर एभिन्यूजको टोली घटनास्थल पुगेको थियो । घटनास्थल पुग्दा आगो निभिसकेको थिएन । जति बेला दमकल आएर आगो निभायो, त्यति बेला सम्म निकै ढिलाभैसकेको थियो ।

सुरेश जिउँदै जलाइए उनको साथमा रहेको क्यामरा र एउटा मोबाइल हराएको छ । एउटा मोबाइल जलेर डल्लो परेको अवस्थामा भेटिएको थियो । कर्म गरिरहेका सुरेशलाई जिउँदै आगो लगाएर मारिनु र उनको साथमा रहेको क्यामरा र मोबाइल गायब हुनु हत्या भएको हो भन्ने शङ्काको पुष्टि हुनु हो । सुरेश हत्या प्रकरणको निष्पक्ष छानबिन गरेर सत्य तथ्य सार्वजनिक गर्न सरकार समक्ष एभिन्यूज खबर जोडदार माग गर्दछ । एभिन्यूजबाट

https://avenues.tv/news/detail/23354/