दमक। साहित्य कला सङ्गम  दमकले सिर्जनशिल रचना वाचन कार्यक्रम अन्तर्गत ४१ ओै  रचना वाचन एक  कार्यक्रमका बिच सम्पन्न गरेकाे छ । साहित्य कला सङ्गमकाे आफ्नै कार्यलयमा सम्पन्न उक्त कार्यक्रममा करिव दुई दर्जन साहित्यकारहरुले रचना वाचन गरेका थिए ।रचना वाचन गर्ने साहित्यकारहरुमा साहित्यकला सङ्गमका अध्यक्ष विष्णु न्याैपाने, बरिष्ठ उपाध्यक्ष बिन्दु दहाल मुकदर्शक, उपाध्यक्ष यादवप्रसाद अधिकारी झाक्रिखाेले, काेषाध्यक्ष ओमप्रसाद खनाल,सदस्य मेघनाथ बन्धु साहित्यकारहरु अम्विका प्रसाद सापकाेटा, गाेपाल दहाल, बिवेक दुलाल क्षेत्री,भुमी बास्काेटा, मनिष पाैडेल, यादवप्रसाद नेपाल , शान्तप्रसाद भट्टराई , खड्ग बहादुर खड्का रहेका थिए । साहित्यकार तथा कवि शाश्वत ढुङ्गानाकाे  प्रमुख आतिथ्यमा भएकाे उक्त रचना वाचन कार्यक्रममा दमक प्रज्ञा प्रतिष्ठानका पुर्व अध्यक्ष हेम अधिकारीकाे बिशिष्ठ आतिथ्यता रहेकाे थियाे ।साहित्य कला सङ्गमका अध्यक्ष विष्णु न्याैपानेकाे अध्यक्षतामा भएकाे उक्त कार्यक्रमकाे सञ्चालन सङ्गमका काेषाध्यक्ष ओमप्रसाद खनालले  गरेका थिए ।