दमक।  झापाको शिव सताक्षीमा अबस्थित सतासी धामका साधुसन्तले केहि राहत पाएका छन् । पहिलो पाइलाले खाद्यान्य सहयोग गरेसँगै उनीहरुले केहि राहत पाएका हुन् । उनीहरुलाई खाद्यान्नको अभाब थियो । सामाजिक कार्यमा सक्रिय रहेको पहिलो पाइला दमकले सतासी धाममा रहेका साधुसन्तलाई खाध्यन्न लगायतका अत्यावश्यकीय सामाग्री सहयोग गरेको हो ।

पहिलो पाइलाले उनीहरुलाई एक सय केजी चामल, १० केजी आलु ५ केजी दाल, ५ केजी नुन, ६ लिटर तेल, ५ केजी भुजा लगायतका खाद्यान्न तथा १२ ओटा नुहाउने साबुन लगायतका सामाग्री सहयोग गरेको पहिलो पाईलाका अध्यक्ष दिपक खड्काले जानकारी दिनुभयो ।खाद्यान्नको अभाव भएको भन्ने थाहा पाएपछि आँफूहरुले सहयोग गरेको अध्यक्ष खड्काले शुभदिनलाई बताउनु भयो । ती सामाग्रीहरु सताक्षीधाम मन्दिर व्यवस्थापन समितिका अध्यक्ष प्रसाद सुब्बालाई हस्तान्तरण गरिएको थियो ।

सहयोग कार्यक्रममा सस्थाका सल्लाहकारहरु राजु खड्का,बिमल सर्मा, गणेश प्रधान लगायत संस्थाका अन्य पदाधिकारीहरुको उपस्थिति रहेको थियो । कार्यक्रम पहिलो पाइला नेपाल दमकका सचिब मेघनाथ फूयालले संचालन गर्नुभएको थियो।