काठमाडाैं । नेपाली राष्ट्रिय क्रिकेट टिमले पपुवा न्यु गिनीसँग एकदिवसीय क्रिकेट खेल्ने भएको छ । खेल ओमानमा हुनेछ । आईसीसी विश्वकप क्रिकेट लिग डिभिजन टु अन्तर्गत ओमान र अमेरिकासँगको त्रिकोणात्मक एकदिवसीय सिरिज अघि नेपालले पपुवा न्यु गिनीसँग दुई खेल खेल्ने भएको हो ।

नेपाल क्रिकेट संघ क्यानले पपुवा न्यु गिनीसँगको खेलका लागि अन्तराष्ट्रिय क्रिकेट परिषद (आईसीसी) बाट अनुमति पाउन भने बाँकी रहेको जनाएको छ । आईसीसी विश्वकप क्रिकेट लिग डिभिजन टु अन्तर्गत नेपालले आगामी सेप्टेम्बरमा ओमान र अमेरिकासँग त्रिकोणात्मक एकदिवसीय सिरिज खेल्नेछ ।

सिरिज ओमानमा हुने छ । सिरिजका लागि नेपालले बिहीबारबाट प्रशिक्षण सुरु गरेको छ । क्यानले सिरिजका लागि १९ खेलाडीलाई बन्द प्रशिक्षणका लागि बोलाएको छ ।